La langue wallonne

D’ordinaire, les populations transmettent ce que les générations antérieures leur ont légué, elles veillent à ce que leur héritage ne s’arrête pas là. Aujourd’hui, dans ce monde à la recherche quasi continue et absolue du neuf, l’avenir peut-il se concevoir sans référence au passé ? La modernité n’est pas de rejeter, de renier ses racines, mais de les intégrer aux fins de se bâtir. La culture est la base de la société civile. Sans identification ni repère, une communauté, un être n’existe pas vraiment.

Il faut savoir que le français, qui a évincé le wallon, est une langue d’emprunt. L’anglais, cet idiome que les marchands ont accaparé, s’infiltre désormais partout. L’on se doit de se poser la question de ce qu’il restera de nos particularités, de cette identité culturelle majeure qu’est la langue de nos ancêtres. Et d’en arriver à cette interrogation : si les natifs ne défendent pas leur patrimoine, qui le fera ? 

Les titres de tous les travaux de Jacques Servotte sont en langue wallonne. Voici la description faite en wallon en ce qui concerne Atèlé :

Au d’ truviès di ci sculture-ci è bronze, li volonté èst d’ rèfwarcî l’apwartadje èt l' rèspon’sabilitè citwèyin.ne èt d' fé comprinde à chakin qu’il a à gangnî su li-min.me. « Atèlé », a s’ tite è lingadje walon, èt r'prézinte on-ome ascropu, avou sès musses fortinkîs, qu'ètèrprind di r'lèver one kèdje. L’eûve prézinte èt lêt ètinde one blokenasse djin, dimèrant fwate èt s' fiyant à lèye-min.me, qui s' bat avou lès rûjes qui, chake djoû, vègnenut d' tos costés.

« Atèlé » sièt à poûssî chakin à pûjî lès moyins qui vikenut è li-minme po d'ner à r'laye èt fé tot s' possibe po ièsse maîsse dès mizéres qu'arivenut au long dèl vikérîye. Parèy à on chicheladje, ci sculture-ci vout fé roter l' monde : « Fuchîz maîsse di vos, wazoz aji ». Sins crankî èt bin lon èri dès crwèyinces daus Grècs di d'dins l' timps, Atlas sopwartant li stwèlî ou bin Sisyphe rôlant one rotche âm´ étêrnâm´, « Atèlé » saye di nos r'mète èl tièsse li fèl continuwadje dèl lûte do vikadje. 

Di l’ancyin rèjime, li dèmocracîye pa r'prézintadje a aurdé l' sôcièté pîramidale, c’èst l' prumêre cause di tot ç’ qui va mau. Dins ç’ monde-ci, si sovint si bièsse èt distrûjant, si malaujîy po branmint dès djins, mostrant l’èwarante arèdje, c’è-st-one mau-fiante aîr qu'èst maîsse. I-gn-a dandjî d' bâti one dèmocracîye èwou qu’ li cia què l' vout ârè one saqwè à dîre. Èt çola, po-z-aler viè on monde pus jusse, pus aplani, ôtrumint dit, socener au mèyeû chakin èt èwou qui « ièsse » dismouchetéyerè « awè » insi qui li « fûrler à make ». Li citwèyin.neté n’èst nin pâremint apicîye en s' fiant r'prézinter èt tchwèzi à s’ place mins bin en s' mètant, en s' atèlant. Rinfler sès sawès, awè one plin.ne vîye, qui sièt à one saqwè po tortos, disburtaker do timps po li-minme mins èto en div'nant pus fwârt, si d'ner avou caractêre dins pus laudje qui sès spales po l' bin dèl planète, è pâti mins ni nin ièsse disbautchî pa sès flotches èt lès dispasser, viker d'acôrd avou s' consyince èt awè l' coradje di s' dimander qwè-ç’ qu’on apwate,
… c’èst li spitch d’« Atèlé », cit’ci qui dit co çoci : « tot vos-adjustant auzès régues qu' ègzistéyenut, eûchîz sogne di vos difèrinces, pace qui ç’ qui vos-avoz à paurt c’èst vos » èt « vos ni stindoz nin vos
savoz-fé, vos lès trouvoz ».